To sign my guestbook, you need to signin first.
hnoo28 13 years ago
على رتم العقول اللي تعالج وضعها بهْبال..سرى ليل القلوب اللي تهاوت في مساحاتي ..وأنا ماعاد لي قلب ٍ الا من قال , قال وطال..ولالي غير زفرات القصيد وطيب هقواتي..أتابع فيك مفرود القصايد وأفتخر وأخْتال..وأحس أحيان بحْروق الحروف وحر جمراتي..أنا لو جيت لك مجنون قولي فلسفة عقال..وأجـِبْري كسر تنويني معاك بـْرفع ضمـّاتي..أبا غيـّر مفاهيم النحو و الصرف والأهمال..وقانون البلاغه والعروض بـْكل كلماتي..أبا أخلق نون للنـّسوه , وبفتح باب للإحلال..وأبدّل جمعكم مفرد وبَرفع كل كسراتي..أبا أنصب مبتداك بْكاف وأمسح منْه حرف الدال..وأحط اللام في وسطه يبيـّن سر مأساتي..أبا ألْعن خامس الفاعل وأغيـّر صيغة الافعال..وأحطه في خبر كانَ , واجدّد شكل صفحاتي..أبا ألغي سـيـْبويه بْحرفْ , واصْنع بالنـّقاط أجيال..وبَاشْطب طرْح أبو الأسود مع خالص تحياتي..أبيك أنتي أجابة منْ ,وعطف الواو , وأسم الحال..وإبيك الفعل والفاعل , وكل أهداف نظراتي..أبيك أنتي قواعد صرف , وحزم الجد وأستهبال..وإبيك أعْقول تفكيري ,وصوت الكذب بسكاتي..أبا أعقد مؤتمر قمه , وبفْرض حظر للتجوال..وبَمـْنع رجة امعمـّر , من الغاء أجتماعاتي..أبا اادعي قلبي وعقلي , وكل أحساس صال وجال..وأبا جْمع كل أحزابي , نقرّر ماهـو آتـي :..بما أنّ الظروف الآن , لاتسمح بأيـّة حال..بأي أجراء روتيني , على سائر دويلاتي ..عليه الآن , فلْيـعـْـلـنْ , طوارىء والحمول أثـْقال..ومنـْـك انتي , يصير أول ظهوري وأنتصاراتي..أبي كفْ , وهدبْ عينْ , ونقاوةْ قلب وأستبسال..وأبيك القائد الاعلى , لكل اجْيوش قواتي..إبي وقفه من أعْيونك تكفـّي عن مية رجـّال..أبي فزعه , وإبي نزعه وأغيـّر كل نزعاتي..وأنا أخترتك لأن أسمك , يسرّي بي شجون ٍطال..يشجعني على العليا , وأحقّق كل طموحاتي..لانـّك رحمة الكافل , بعين أيتام وام أعـْيال..ولانـّك سطوة القاسي , بعين أدْموع وجناتي..ولانّي كل ماشفتك , عطيت الحمْل والحمّال..أهابك هيبة العالم , لحزني وأنفعالاتي..أناظر عينك اليمنى , واشوف الليل والموال..وأناظر عينك اليسرى , أشوف ابشع نهاياتي..وأضيع اهناك مابين الرموش وبين حبّة خال..واحب الموت لعيونك , وكنـْه أجمل محطاتي..أنا جيتك ولع عاشق , يدوّر فيك راحة بال..ولا فكرت لو لحظه , بجرحك لو بأبياتي..أنا الدمعه وهي دمعه , إذا طاحت وهي اذلال..أمد إلـْها هدب عيني , والحّـفها عباياتي..واخلّي رمش يحظنها , ورمش الْـْها يصير اظلال..حرام أتموت في عيني , وهي رمز لمعاناتي
